DAVAO CITY – Giawhag karon sa Davao City COVID-19 Task Force ang mga dabawenyo nga magpabakuna na daan isip pag pangandam sa posibleng post-Kadayawan surge sa corona virus.
Gibutyag ni Dr. Michelle Schlosser kaniadtong martes, Agosto 23, nga duha ka semana pa ayha mahibaluan kung aduna bay epekto ang ika 37 nga kasaulugan sa Kadayawan sa Covid-19 data.
Gipahinumduman usab niini ang mga dabawenyos nga mu-avail sa libreng swabbing services nga gihanyag sa City Government of Davao. Kini nahimutang sa upat ka mga areas sa syudad nga gilangkuban sa Toril District Health Office nga abli sugod Lunes hangtod Biyernes, alas 8:00 hangtud alas 11:00 sa buntag; Crocodile Park Drive-Thru site abli usab sugod Lunes hangtod Biyernes sugod alas 8:am hangtud alas 3 sa hapon; ug ang Covid-19 Cluster Clinic (ccc) nga nahimutang sa Sta. Ana Health Center ug Talomo River nga abli 24/7. Dugang pa ni Schlosser, ang Covid-19 vaccine ug booster shots makatabang isip proteksyon sa virus infection.
Sumala sa task force, ang syudad nakatala og 643 active cases as of august 20, 406 niini ang asymtomatic samtang 220 niini mild cases lamang. Sa nahisgutang kaso, 13 niini ang moderate cases, 2 ang severe, ug duha usab ang natala nga critical. Sa laing bahin, gikanayon usab ni Dr. Schlosser nga adunay paspas nga recoveries ilabi na sa mga fully vaccinated nga mga pasyente.
