DAVAO CITY – Tugutan na sa lokal nga panggamhanan sa Davao City ang boluntaryo o walay pinugsanay nga pagsul-ob ug face mask sa gawas sugod kagahapon.
Gikanayon ni Davao City Health Office head Dr. Ashley Lopez nga takus nga tumanon ni Mayor Baste Duterte ang Executive Order Number 3 nga gipirmahan kagahapon ni President Bongbong Marcos subay sa rekomendasyon sa Inter-agency Task Force kon IATF nga magtugot sa opsyonal na pagsul-ob ug face mask sa mga open spaces sa tibuok nasud taliwala sa nagpadayong COVID19 pandemic.
Apan aduna gihapon mga kondisyones ang maong pagtugot diin magsuot gihapon ug face mask sa sulod sa establisyemenyo ug sa mga pampublikong transportasyon.
Dili pwede niini ang mga tigulang, masuso, ug mga immunocompromised nga mga indibidwal.
Magpahamtak gihapon ug penalty ang syudad alang sa mga masinupakon sa maong ordinansa.
Wala pa man hinuon gipagawas nga resolusyon diri sa dakbayan nga magsunod sa maong executive order apan una kining ipresenta sa Sangguniang Panlungsod una pa kini primahan ni Mayor Duterte alang sa approval niini.
Posible sab nga dili maamyendahan ang maong sugyot-balaudnon sa dakbayan.
via || Bombo LJ Florendo
