DAVAO CITY – Gibutyag sa Police Regional Office (PRO) XI Nga hapsay ug malinawon ang pag sugat sa bag-ong tuig sa tibuok Davao Region. Sumala sa pamahayag ni PRO XI Spokeperson P/ Maj Eudisan Gultiano nga wala kini natala nga dagko nga insidente atol sa bag-ong tuig.
Apan aduna sumala sila nadakpan gumikan sa pagpayuhot og iligal nga pabuto ngadto sa probinsya sa Davao del Sur.
Gani, gitataw sa opisyal nga usa sa hinungdan ngano malinawon ug hapsay ang pag sugat sa bag-ong tuig kini gumikan sa presensya sa kapulisan sa kadalanan nga padayon nga naga bantay alang sa kalinaw.
Gawas niini, nagatoo sab ang otoridad nga dako ang tabang sa padayon nga pagpatuman sa health protocols sa syudad sama na lamang sa pagpatuman sa FM Pass ug Safe Davao QR Code.
Kalabot niini, gi-awhag sab sa mga otoridad ang publiko nga pdayon nga mutamod sa mga mando sa gobyerno hilabi na ang kooperasyon aron nga padayon nga hapsay ang unang bulan sa Enero ingon man ang tibuok tuig sa 2021.
