DAVAO CITY – Nasinatian na sa mga mamalitay ang ilabihang pag-budget karong panahona sa mga nag-unang merkado sa dakbayan partikular na sa Bangkerohan Public Market.
Kini dungan sa nagpadayon nga pagtaas sa nagkalain-laing presyo sa palaliton sa merkado, ilabi na gayud ang presyo sa asukar ug asin, nga karon ang kilo sa asukar anaa na sa P70 matag kilo nga kaniadto mapalit lamang sa kantidad nga P60.
Samtang subay sa naaprubahan nga presyo sa DTI Central Office, mitaas ang presyo sa asin og anaa sa P2.50 matag kilo.
Gikan P9.75, ang 250 grams niadtong buwan sa Mayo ang miabot na sa Php 11.75 karong bulan sa Agosto.
Sumala sa pipila ka mga mamaligyaay sa Bangkenrohan Public Market, hingpit naapektohan sab ang ilang kita tungod sa pag-usbaw sa presyo sa mga palaliton.
Ang karne anaa sa P250 ngadto sa P275 ang matag kilo; P350 ngadto sa P400 ang matag kilo sa baka; samtang ang manok, anaa sa Php 165 ang matag kilo.
Samtang sa presyo sa itlog, ang matag dosena sa gamay ang anaa sa P69; Medium ang anaa sa P75; Large ang anaa sa P81 ug Jumbo ang anaa sa P90 matag dosena.
Presyo sa mga isda karong panahuna:
Barilis – P230 matag kilo
Bangus – P170 matag kilo
Tilapia – P150 matag kilo
Pirit tulingan – P130 matag kilo
Matambaka – P200 matag kilo
Moro-Moro – P170 matag kilo
Barilison – P170 matag kilo
Isda sa Bato -P200 matag kilo
Lapulapu -P380 matag kilo
Pasayan -P260 matag kilo
Samtang sa presyo sa gulay:
Atsal – P80 – P90 per kilo
Carrots – P45 per kilo
Repolyo – P45 – P50 per kilo
Talong – P50 – P55 per kilo
Ampalaya – P40 per kilo
Okra – P40 per kilo
Patatas – P65 – P70 matag kilo
Chinese cabbage – P50 per Kilo
Brocolli – P200 per kilo
Kamote – P25-28 per kilo
Samtang sa mga presyo sa lamas:
Bombay – P115 per kilo
Luy-a – P40 per kilo
Ahos – P85 per kilo
Sibuyas dahon- P25 per kilo
Siling labuyo – P20 per kilo
Mantika – P95 per kilo
Kahinumduman nga hugot nga ginabantayan sa Department of Trade and Industry ang presyo sa mga nag-unang palaliton sa merkado, grocery store ug lakip na sa mga supermarkets human nagpagawas ang buhatan og suggested retail price sa mga nag-unang palaliton.
VIA || Bombo Brian Abe ug Bombo LJ Florendo
