Paglugway sa martial law sa Mindanao hangtud sa 2018 mag-agad sa kagamhanan

DAVAO CITY – Mag-agad lamang ang tropa sa kagamhanan, labi na ang Eastern Mindanao Command (Eastmincom) sa mamahimong penal nga hukom labot sa nagpadayon nga pagpatuman sa Martial Law sa Mindanao.

Sumala pa kang Major Ezra Balagtey nga duna man o wala’y balaod militar tahas gayud sa kasundalohan ang pagsumpo sa mga teroristang kalihukan. Hinoon kung anaa sa martial law, mas dali lamang alang sa tropa sa kagamhanan ang pagdakop sa mga tawong gikatahapan nga nahilambigit sa terorismo.

Dugang pa ni Major Balagtey nga sukad nga gipatuman ang Martial Law sa Mindanao milampus sila nga mapugngan ang spill over sa mga kagubot sa Marawi dinhi sa Region eleven.