Migawas na sa monitoring domain sa PAGASA ang LPA 08e alas-2 sa kadlawon karong Agosto 17, 2026 samtang padayon nilang gibantayan ang laing low pressure area nga LPA 08f sulod sa Philippine Area of Responsibility.
Ang LPA 08f namatikdan mga 1,075 kilometros silangan sa Northern Luzon ug adunay medium chance nga mahimong tropical depression sulod sa sunod 24 oras.
Samtang, nagpasidaan ang PAGASA sa kusog nga ulan tungod sa Habagat sa pipila ka bahin sa Luzon.
Gilauman ang 50 hangtod 100 millimeters nga ulan sa Ilocos Sur, La Union, Pangasinan, Benguet, Zambales ug Bataan hangtod Lunes sa gabii.
Posible usab ang susamang gidaghanon sa ulan sa Cavite, Batangas, Occidental Mindoro, Antique, Tarlac ug Pampanga hangtod Miyerkules sa gabii.
Gipahimangnoan ang mga residente sa kabukiran ug ubos nga lugar tungod sa posibleng pagbaha ug landslide.
