DAVAO CITY – Gi-aprubahan sa 19th Davao City Council ang pagpalabang sa ikaduhang pagbasa sa ordinansa nga tumong ang paghatag ug tinuig nga social pension alang sa kwalipikado nga mga senior citizens sa dakbayan apan gihimo na lamang kini nga P1,500 matag tuig.
Sumala pa kang konsehal Wilberto Al-ag, committee chair on social service, nga plano sa lokal nga panggamhanan nga hatagan ug annual pension nga P3,000 matag tuig ang mga kwalipikado nga senior citizens sa siyudad isip counterpart sa Department of Social Welfare and Development’s (DSWD) yearly pension nga P6,000.
Gitataw sab ni Al-ag nga ang budget allocation sa pension ang maggikan sa City Mayor’s Office.
Apan atol sa sesyon, gikanayon ni City Budget Officer Ermelinda Furog-Gallego nga andam sumala pa si Davao City Mayor Sara Duterte-Carpio nga mohatag ug P1,500 nga pension matag tuig sa senior citizens apan buot sa Mayor nga hulipan ang edad sa mga kwalipikado diin gikan sa 60 anyos himuon na kining 65 anyos pataas.
Nasayran sab sa nahisgutan nga ang maong pension ihatag sugod sa ikaduhang semana sa November 2020, gumikan kay ilakip na kini sa Supplemental Budget (SB) 1 sa mosunod nga tuig.
