Nagpabilin nga anaa sa “neutral” ang net satisfaction rating ni Presidente Ferdinand “Bongbong” Marcos Jr. subay sa gipagawas nga resulta sa Social Weather Stations (SWS) survey niadtong Nobyembre 2025.
Ang maong survey nagpakita nga anaa sa 40% sa mga hamtong nga mga Pilipino ang kontento sa iyahang trabaho, samtang 43% ang wala makagusto ug 17% ang wala pa makadesisyon.
Kini nga grado halos wala mausab kung itandi sa narekord kaniadtong Septyembre, diin ang iyahang rating nagpabilin nga anaa sa susamang lebel sa tibuok nasod.
Sa laing bahin, nasayran usab sa resulta sa survey nga ang net satisfaction rating ni Marcos maoy labing taas sa Balance Luzon sa moderate +13, gisundan sa Visayas sa neutral +2, Metro Manila sa poor -17, ug Mindanao sa poor -29.
