DAVAO CITY – Laoman sumala pa nga makabalik na sulod karong semahana ang mga vendors sulod sa Davao City Overland Transport Terminal (DCOTT) sa higayon nga maasikaso na ang gikinahanglan nga mga lakang aron nga mapabilin ang social distancing ug uban pang polisiya alang sa paglikay sa Covid-19.
Kahinumduman nga una ng gimandoan ni Mayor Inday Sara Duterte-Carpio ang ahensiya sa City Transport and Traffic Management Office (CTTMO) nga han-ayon ang mga naninda sulod sa Terminal nga usa sa mga sagad ginadagsa sa mga pasahero nga mouli sa ilang probinsiya.
Walay problema ang maong lakang apan gitino ni CTTMO head Dionesio Abude nga kadtong mga vendors nga adunay stall ang tugutan una nga makapadayon sa ilang pagpaninda samtang idili pa karon ang porter ug peddler sanglit delikado kini sa covid-19.
Gikanayon sab ni Abude nga ayha makasugod pagbalik ang mga vendors, magpahigayon una sila ug inspeksiyon aron masiguro nga mitamod ang mga tindera sa Social distancing sa ilang mga costumers ug subayon ang uban pang lakang nga gihimo niini aron masiguro nga mapugngan ang pagkatag sa virus.
