DAVAO CITY – Giangkon ni City Disaster Risk Reduction and Management Office (CDDRMO) operation officer Rodrigo Bustillo nga dili nila mapugngan ang mga tawo nga dili mobalik sa ilang mga pinuy-anan partikular na kadtong nga naapektohan sa kusog nga paglabdos sa balod.
Kahinumduman nga anaa sa 114 ka mga pinuy-anan daplin sa baybayon ang nangadaut human nga mihapak ang kusog nga balod nga hatud sa southwest monsoon.
Sa ulahing datus sa City Risk Reduction and Management Office (CDRRMO), 51 ka mga pinuy-anan ang totally damage ug laing 98 ang partially damaged.
Nasayran sa otoridad nga 357 ka mga pamilya uban ang 800 ka mga indibdiwal gikan sa walo ka mga barangay ang apektado.
Ang mga apektadong komunidad ang gilangkuban sa barangay 21–C, 22–C, ug 23-C sa Poblacion District; Barangay Bucana (76-A), Matina Aplaya (75-A), ug Bago Aplaya sa Talomo District; Barangay Gov. Vicente Duterte sa Agdao District, ug Barangay Daliao sa Toril District.
Gitataw sab sa CDRRMO nga gidala na ang mga pamilya sa evacuation areas sa barangay hall o gymnasium apan ang uban nagpabilin sa pinuy-anan sa ilang mga paryente. Hinuon wala sumala pay natalang casualty human ang insidente.
Gibutyag sab sa opisyal nga kinahanglan magbinantayon ang mga residente sa kusog nga paghapak sa kusog nga balaod sanglit masinatian gayud ang monsoon sugod Agosto hangtud Oktubre.
