Mipailawom sa inquest proceedings ang tulo ka kapulisan gikan sa Baliwag City Police Station nga giakusahan tungod sa sayop nga pagdakop sa usa ka tawo.
Sumala sa Police Regional Office-Central Luzon (PRO-3), nag-atubang ang maong mga kapulisan sa mga kasong physical injuries, unjust vexation, grave coercion, slander by deed, ug attempted kidnapping.
Gipangandaman na usab sa National Police Commission ang administratibong kaso batok sa mga nasangpit nga kapulisan.
Matud pa sa imbestigasyon, giduolan sa mga nagpailang pulis ang usa ka negosyante sa Barangay Tangos ug gipugos kini nga pasakyon sa usa ka sakyanan.
Apan mibiya dayon ang mga kapulisan human nila mahibal-an nga sayop nga tawo ang ilang gidakop.
Gibutyag ni PRO-3 Director Brig. Gen. Jess Mendez nga ang pagpaubos sa mga giingong mga pulis sa inquest proceedings, nagpakita nga seryoso ang kapulisan sa pagpatuman sa disiplina ug accountability sulod sa ilang han-ay.
