DAVAO CITY – Nanawagan karon si Bombo radyo International correspondent Analiza Montalban, residente sa dakbayan sa Davao ug nakabase karon sa Milan, Italy ngadto sa kagamhanan sa Pilipinas nga unta dili pasagdan ang mga OFWs sa nahisgutan nga nasod nga apektado sab karon sa Covid-19.
Sumala sa nahisgutan, pipila ka mga pinoy nga anaa sa lugar ang naglisud matud pa og pangayo og hinabang ilabi na kadtong nagpositibo sa covid-19 hinungdan nga makabsan na lamang kini sa kinabuhi ug diretso na nga i-cremate.
Kung aduna sumala pa’y ihatag nga hinabang gikan sa consulate kini mao lamang ang food assistance hinungdan nga ang mga OFWs na lamang nga anaa sa nahisgutan nga dapit ang magtinabangay.
Nanawagan na lamang ang nahisgutan sa kagamhanan sa nasod ilabi na kang Sec. Silvestre Bello, nga unta hatagan sab og pagtagad ang panginahanglanon sa mga Pinoy nga anaa karon sa Italy.
