Padayon nga misaka ang gidaghanon sa mga biktima sa makusog nga magnitude 7.2 ug 7.5 nga mga linog nga miigo sa Venezuela, diin miabot na sa 1,430 ang namatay samtang hapit 70,000 ka tawo ang gikatahong wala pa gihapon hikaplagi.
Padayon ang search and rescue operations ilabina sa La Guaira, usa sa mga lugar nga grabeng naigo sa linog. Nagkahiusa ang mga residente, boluntaryo ug rescue teams sa pagpangita sa mga posible pang buhi nga natabonan sa nagun-ob nga mga balay ug establisemento gamit ang heavy equipment, pisi, pala ug bisan ilang mga kamot.
Miingon ang mga residente nga kulang pa ang tabang nga ilang nadawat sa unang mga adlaw sa trahedya, nga maoy labing importante sa pagpangita sa mga survivor.
Sa laing bahin, gipahibalo sa acting President Delcy Rodríguez nga kapin 14,000 ka mga sundalo ug pulis ang gipakatap aron motabang sa rescue operations. Miabot na usab ang mga international rescue teams ug humanitarian aid gikan sa nagkalainlaing nasud lakip ang Estados Unidos, Mexico, Brazil, France ug El Salvador.
Sa pagkakaron, padayon ang paglaom sa liboan ka pamilya nga makit-an pa nga buhi ang ilang mga mahal sa kinabuhi bisan naglisod na ang operasyon samtang naglabay ang panahon.
