DAVAO CITY – Padayon pa karon nga nadungagan ang ihap sa mga lugar sa Davao region ang gideklarang drug-cleared Regional Oversight Committee on Barangay Drug Clearing (ROCBC).
Kahinumduman nga anaa sa kinatibuk-ang 25 ka mga barangay ang nadugang karon nga drug cleared sa Philippine Drug Enforcement Agency (PDEA).
Sumala sa tigpamaba sa ahensiya nga si Noli Dimaandal nga sa nahisgutan nga ihap, 15 niini ang gikan sa Davao Oriental samtang laing 10 ka mga barangay ang sa Davao de Oro.
Gikanayong ang mga lugar sa Davao oriental ang gilangkuban sa Cambaleon, Lapu-Lapu, Maag, Maputi, ug Sudlon nga susamang nahimutang sa lungsod sa San Isidro, Davao Oriental.
Samtang ang laing 10 ka mga barangay sa Mati City nga gilangkuban sa Barangay Danao, Culian, Don Enriquez Lopez, Don Salvador Lopez, Lanca, Libudon, Mamali, Sanghay, ug Tamisan.
Samtang 10 ka mga barangay sab sa Davao de Oro nga gilangkuban sa Bayabas, New Dauis, San Roque, San Vicente, ug Sasa sa munisipalidad sa Nabunturan; Barangay Concepcion, Salvacion, ug Sawangan sa Mawab, Barangay Manipongol sa lungsod sa Maco ug Barangay Napnapan sa Pantukan.
Sumala pa kang Dimaandal nga nag pagdeklara sa mga Barangay isip drug-cleared ang mipailalom sa hugtanon nga proseso.
