DAVAO CITY – “Buy Local, By Locals,” mao kana ang nahimong tema sa gipahigayong Mindanao Trade Exposition sa usa ka dakung mall sa dakbayan sa Davao.
Kapin usa ka gatus ka mga micro, small and medium enterprises kon MSEs gikan sa mga lungsod ug probinsya sa Mindanao ang nagtanyag sa ilang mga produkto.
Mamahimong makapili ang mga konsumante sa halapad nga kapilian sa mga locally-sourced fresh produce and processed products, mga gamit sa balay, pagkaon, fashion, beauty and wellness ug uban pa.
Tumong sa expo ang pagtanyag ug mga proudly-Mindanaoan products nga mapasigarbo ang mga nagkandaiyang produkto sa matag lugar ug makapataas sa estado sa ekonimiya sa tibuok isla sa Mindanao gumikan sa paggkunsad niini panahon sa pandemya.
Ang Mindanao Trade Exposition nga usa ka programa sa Mindanao Trade Federation Inc. sa pakipag-alayon sa Mindanao Development Authority ug Department of Trade and Industry Region 11, nagapadayon hangtud Agosto 19, ning tuig kasamtangan.
VIA |Bombo LJ Florendo
