-- ADVERTISEMENT --
DAVAO CITY – Namatikdan sumala pa sa Vices Regulation Unit (VRU) nga miubos ang mga indibidwal nga nakasupak sa Anti-smoking ordinance sa siyudad sukad nga gipatuman ang community quarantine.
Apan luyo niini, gipasalig ni Dr. Ashley Lopez, head sa VRU, nga magpadayon pa gihapon sila sa ilang operasyon batok sa mga masinupakon sa ordinansa dili lamang sa mga manigarilyohay kung lakip na sab sa mga makasupak sa gipatuman nga liquor ban karong panahon nga gipailalom ang siyudad sa community quarantine.
Gipahimangnoan sab niini kadtong mga manigarilyo nga likayan ang maong bisyo ilabi na karon nga kaylap ang Covid-19 gumikan kay usa kini sa tinubdan sa pneumonia nga usa sa mga sintomas sa makamatay nga balatian.
