DAVAO CITY – Pagatutukan karon sa Department of Tourism 11 ang ilegal nga mga establisyemento nga gitukod sa Marilog District ning dakbayan.
Gikanayon ni DOT Regional Director Tanya Rabat-Tan nga dunay mga bulid ug no-bulid zones ang pipila ka mga bahin sa Marilog.
Gikumpirma sab nga nagkadaghan sab ang mga gambalay nga nag-operate taliwala sa wa pagbaton ug mga legal nga dokumemto.
Nakipag-alayon na ang buhatan ngadto sa City Planning and Development Office ug City Tourism Operations Office alang sa pagpatuman ug mga regulasyon sa mga establisyemento sa distrito nga gikonsidera isip ecotourism destination.
Sa pikas bahin, gikabalaka sa Indigenous Peoples Mandatory Representative na si Datu Rody Mande ang ubay-ubay nga pagpamalit ug pagbaligya sa mga ancestral domains sa Marilog District nga nakaapekto sa pipila ka mga katutubo kon mga Indigenous Peoples nga nahumuyo sa lugar.
Nagpahayag sa susamang sentimyento si Davao City 2nd District Councilor Al Ryan Alejandre tungod wala kini tumang pagtugot gikan sa National Commission on Indigenous Peoples, ug ingon man, duol sab kini sa mga danger zones ug landslide prone areas.
via || Bombo LJ Florendo
