DAVAO CITY – Giplastar na sa mga personahe sa City Transport and Traffic Management Office ug uban pa nga mga personahe sa lokal nga panggamhanan ang mga dalan nga gamiton alang sa Indak-indak sa Kadalanan atol sa pagsaulog sa ika 37 nga Kadayawan Festival.
Subay sa route map sa CTTMO, ang ruta gikan sa Roxas Avenue muagi sa Corner CM Recto Avenue paingon sa Rotunda Ponciano, muliko patuo sa CM recto avenue, paliko sa Bonifacio street, liko pawala sa Pelayo unya pawala na sab paingon sa San Pedro Street diin masaksihan ang grand showdown.
Samtang, ang judging areas mao ang Rotunda Ponciano Bonifacio, ug sa San Pedro Square. Gipahinumduman sab sa CTTMO ang mga motorista nga muagi sa mga alternatibong ruta alang sa kasaulogan.
Kung gikan sa North area mamahimong agihon ang routa sa -J.P. Laurel Avenue to Quirino Avenue to McArthur Highway -J.P. Laurel Avenue to R. Castillo Street to Leon Garcia Street to Quezon Boulevard to Quimpo Boulevard to McArthur Highway -J.P. Laurel Avenue to Cabaguio to Leon Garcia Street to Quezon Boulevard to Quimpo Boulevard to McArthur Highway Samtang kung gikan sa South, mamahimong agihon ang routa sa -McArthur Highway to Quirino Avenue to J.P. Laurel Avenue -McArthur Highway to Magallanes Street to Quezon Boulevard -McArthur Highway to Sandawa Road to Quimpo Boulevard -McArthur Highway to Quimpo Boulevard to Quezon Boulevard.
