DAVAO CITY – Gilaumang pakusgan pa sa pagamugnaong Metropolitan Davao Police District ang kapasidad sa kapulisan sa Davao City ilawom sa gilaraw nga Metropolitan Davao Development Authority kon MDAA.
Gikanayon ni PRO 11 Director Brigader General Benjamin Silo Jr. nga nasumitar na ang tukmang rekisitos sama sa Implementing Rules and Regulations nga gikinahanglan sa National Economic and Development Authority sulod sa 90 ka adlaw nga gipangayo sa buhatan alang sa hinaling pag-grant niini.
Kon mahitabo kini, makahimo na ang pwersa nga manguna sa pagpatuman sa mga programa, balaod ug ordinansa sa mga nag-unang dakbayan ug kalungsuran sa tibuok Davao Region.
Pagatutukan sa buhatan ang trapiko, waste disposal, urban development ug uban pang metropolitan area-based concerns.
Mao kini ang pinakaunang regional development authority gawas sa Metro Manila nga mahisusama ang functions niini sa kasamtangang MMDA kon Metropolitan Manila Development Authority sa kaulohan.
via || Bombo LJ Florendo
