DAVAO CITY – Gidayeg ni Davao City Mayor Inday Sara Duterte-Carpio ang pagpanigkamut sa nagkadaiyang health workers hinungdan nga taas ang immunization coverage sa unang round sa poliovirus vaccine mass immunization sa siyudad.
Una ng gibutyag sa City Health Office (CHO) nga base sa consolidated oral polio vaccine (OPV) report sukad Oktubre 14 hangtud 20, daghanan sumala pa ang mga nagpabakuna gikan sa mga nagkadaiyang Barangay sa siyudad o naangkon nila ang total immunization rate nga 85.9 percent.
Gibutyag sab sa CHO nga gikan sa 1,775,934 total population, 186,864 nga gilangkuban sa mga bata nga zero ngadto na 59 months old ang tugutan nga mopailalom sa oral polio vaccine type 2 (OPV2).
Kahinumduman nga natapos na kagahapong, October 14 ang unang round samtang sa November 25 hangtud December 27 ang ikaduha nga round samtang sa Enero 6 hangtud 18, 2020 ang ikatulo nga round.
Sakop niini ang tanan nga mga probinsiya sa Davao Region ug mga rehiyon sa Mindanao.
Naglaom sab ni Mayor Inday nga tanan nga mga bata ang ma-protektahan batok polio.
