DAVAO CITY – Subling mipagawas ug pamahayag si Davao City Mayor Inday Sara Duterte-Carpio nga mipahimangno ngadto sa publiko labot sa mga tawo ug mga grupo nga migamit sa iyang pangalan aron mangilkil sa uban.
Gipagawas ni mayor Inday Sara ang iyang pamahayag human makadawat ang iyang buhatan ug mga impormasyon labot sa usaka grupo sa mga indibiduwal sa Davao Region nga gikatang nagapang-imbita ug mga residente alang sa usaka meeting labot sa pinallitay sa usaka higanting taklobo.
Buot ipahibalo sa mayor nga wala siya malambigit sa susamang kalihukan, ug ang nahisgutang grupo nga migamit lamang sa iyang pangalan aron mangdani ug mga residente, ang usa na ka tataw nga timailhan sa dakong pagpangilad nga buot lamang ma-miktima ug mga kabus nga katawhan.
Kahinumduman nga niadtong milabay nga tuig, usa usab ka grupo ang migamit sa pangalan sa mayor sa illegal taklobo activities niini sa Calatagan, Batangas.
Gidasig sa mayor ang publiko nga hinnaling i-report sa kapulisan ang ingin niini nga matang sa kalihukan.
Angayang timan-an sumalapa kanunay nga ilalon sa Republic Act 10654, o ang Philippine Fisheries Code, ang pag-kuha, pagpamaligya, pagpalit o kaha pag-transport ug mga taklobo ang usaka illegal nga kalihukan ug adunay katugbang nga dakong silot.
