DAVAO CITY – Nangayo ug pasaylo ngadto sa katawhan si Davao City Mayor Sebastian Duterte mahitungod sa iyang kontrobersyal nga pagtagad sa taho sa usa ka concerned citizen atol sa nahitabong water interruption sa dakbayan duha ka simana na ang milabay.
Nagpadayag ang alkalde sa iyang pagpasaylo sa social media human nakakuha ug nagkandaiyang kritisismo gikan sa mga netizens ang iyang tubag ngadto sa maong tawo.
Nangayo sab ug pasaylo ngadto sa mayor ang maong concerned citizen pinaagi sa usa ka private message.
Dungag pa ni Mayor Baste nga dili niya intensyon na pakaulawan ang tawo ug matud pa, accountable siya sa maong panghitabo.
Sa pikas bahin, gipahayag sab sa mayor nga nagpahinabo ang sunod sunod nga water interruption tungod sab sa nahimong adjustments sa contractor sa bulk water supply system nga Apo Agua Infrastructura Inc. hinungdan sa nagkakunhod nga suplay sa tubig panahon sa water interruption.
Apan, gikumpirma sa Davao City Water District nga manukad na ang water distribution sa unang bahin sa tuig 2023.
via || Bombo LJ Florendo
