DAVAO CITY – Gisiguro ni Davao City Mayor Sebastian Duterte ang kaandam sa dakbayan kon mahitabo na sab pagbalik ang gikabalak-ang pagsaka o surge sa mga kaso sa COVID-19 human sa ilabihang gidagsang nga Kadayawan Festival duha ka simana ang minglabay.
Sigun pa sa mayor nga gipangandaman na daan sa panggamhanan ang selebrasyon ug ingon man ang posibleng outbreak na sab sa maong kagaw human sa nahimong kasaulogan.
Kasamtangang gina-monitor sa Davao City COVID-19 Task Force ang mga kaso sa dakbayan sa karung bulan ug labing hingpit nga ginabantayan karon ang bulan sa Setyembre.
Dugang pa sa tigpamaba sa ahensya nga si Dr. Michelle Schlosser, dunay namtikdang nihit nga pagsaka sa positivity rate sa dakbayan gikan sa trese hangtud kinse porsyento nga mas taas pa sa acceptable positivity rate nga singko porsyento lamang.
Giawhang sab nila ang katawhan nga magpabakuna kon magpa-booster shots ug ipadayon ang pagsuod sa minimum public health standards sa bisan asang establisyemento ilabi nang nagka-anam anam na ug balik sa normal ang dagan sa panahon sama na lamang sa pagbalik sa face-to-face classes sa mga tulunghaan.
via || Bombo LJ Florendo
