Kabsan sa kinabuhi ang usa ka college teacher samtang ginatambalan sa ospital human giingong gisumbag sa usa ka 19 anyos nga lalaki sa Barangay Mabilo, New Washington, Aklan.
Namatay ang biktima niadtong adlawng Martes, duha ka adlaw human sa insidente nga nahitabo niadtong Hulyo 26 atol sa usa ka advance graduation celebration sa maong lugar.
Base sa imbestigasyon sa kapulisan, adunay panaglalis ang magtutudlo ug ang suspek atol sa maong panagtapok.
Bisan pa nga pauli na ang biktima, gisundan pa gihapon siya sa suspek ug didto nahitabo ang pagsumbag nga maoy hinungdan sa iyang pagkaospital
Gidakop ang suspek ug una nang gipasakaan og kasong frustrated homicide, apan giingon sa kapulisan nga ipataas na kini ngadto sa mas bug-at nga kaso human sa pagkamatay sa biktima.
