Gilayon nga gi-activate sa lokal nga panggamhanan sa Jose Abad Santos ang Incident Command System (ICS) human sa linog nga miigo sa maong lungsod niadtong karong adlawa(Hunyo 8, 2026).
Gipahigayon dayon ang usa ka emergency coordination meeting nga gipangulohan ni Acting Mayor James John A. Joyce sa Open Ground aron susihon ang sitwasyon, masiguro ang kaluwasan sa publiko, ug makoordinar ang mga lakang sa pagtubag sa emerhensiya.
Base sa unang mga report, adunay kadaot sa pipila ka mga estruktura ug adunay mga bilding nga gikatahong nangahugno tungod sa kusog nga pagtay-og sa yuta.
Padayon karon ang mga adunay kalabutang opisina ug response teams sa pagpatuman og assessment ug pagmonitor sa mga apektadong lugar.
Gihangyo usab sa lokal nga panggamhanan ang publiko nga magpabiling kalmado apan mabinantayon, sundon ang mga pahimangno sa mga lokal nga awtoridad, ug dayong ireport ang bisan unsang emerhensiya ngadto sa ilang tagsa-tagsa ka mga barangay.
Samtang nagpadayon usab ang pag-assess sa kadaot, gidasig usab ang tanan nga magtinabangay ug magtinahuray aron masiguro ang kaluwasan sa matag usa niining panahon sa kalisdanan..
