DAVAO CITY – Nabulabog ang mga kustomer sa Gaisano Mall sa Tagum City kagabie human nga adunay lalaki nga nakasulod ug nanunggab ug duruha ka mga indibidwal.Sa inisyal nga imbestigasyon kapulisan, miadto sumala pa ang suspek sa kitchenware sa maong mall ug nakakuha ug kutsilyo.
Posible matud pa nga gisita kini hinungdan nga gidunggab niini ang usa ka lalaki ug security guard.
Gilayon sab nga miresponde sa lugar ang mga sakop sa kapulisan ug gisulayan pa paghimamat ang suspek apan mipakita kini ug pagsukol hinungdan nga gipusil kini sa otoridad.
Hinuon samdan lamang ang nahisgutan ug dali sab dayon nga gidala sa balay tambalanan.
Susama sab nga luwas ang duruha ka mga biktima nga gipangdunggab niini.
Gipanubayan pa sa otoridad kung usa ang motibo sa suspek apan daghanan ang nagtoo nga posibleng nalisu-an kini sa iyang panghuna-huna.
Nagpadayon karun ang gipahigayon nga imbestigasyon sa otoridad sa maong insidente.
