-- ADVERTISEMENT --
DAVAO CITY – Padayon pang gina-imbestigahan karon sa Davao City Police Office (DCPO) ang gikatahong pagkamatay sa usa ka batan-ong lalaki gumikan sa hazing.
Sa gipagawas nga impormasyon ni Police Maj. Ma. Teresita Gaspan, tigpamaba sa DCPO, usa ka lalaki ang namatay sa hazing nga nahitabo sa Brgy. Mandug ning dakbayan sa Davao alas dos ang takna sa hapon kagahapong adlawa.
Gikumpirma ni Gaspan nga ang biktima usa ka college student ug 19 anyos pa ang pangidaron. Samtang sa pikas bahin, usa sab ka 18 anyos nga lalaki ang nalakip sa maong hazing apan swerte kining naka-survive.
Gilayon sab nga na-aresto ang tanang nalambigit niini ug kasamtangang gikustodiya na sa Mandug Police Station ug gipailalom na sab sa inquest procedure karong adlawa.
