Gihimo ni Senador Panfilo “Ping” Lacson ang duha ka panukalang balaod aron ipataas gikan 56 ngadto sa 57 anyos ang compulsory retirement age sa uniformed personnel sa Philippine National Police o PNP, Bureau of Jail Management and Penology o BJMP, ug Bureau of Fire Protection o BFP.
Matud ni Lacson, tumong sa maong mga panukala nga mapabilin pa og dugay ang kahibalo, kasinatian ug liderato sa mga beteranong opisyal, samtang adunay higayon nga mapasa nila ang ilang kahibalo ngadto sa mas batan-ong henerasyon sa mga personnel.
Ubos sa Senate Bill 2395, ipataas sa 57 anyos ang retirement age sa mga miyembro sa PNP aron magamit pa ang ilang eksperyensya sa pagpatuman sa mga reporma sa organisasyon.
Samtang, sa Senate Bill 2396, apil usab sa ipataas ngadto sa 57 anyos ang retirement age sa BJMP ug BFP personnel.
Matud ni Lacson, nakaangay usab kini sa kausaban sa retirement age sa mga miyembro sa Armed Forces of the Philippines o AFP.
Base sa datos nga iyang gikutlo, adunay kapin 230,410 ka personnel ang PNP, 26,000 sa BJMP ug 41,286 sa BFP.
Sa PNP, ang mga personnel nga wala pay usa ka tuig ang serbisyo human maaprobahan ang balaod mahimong mopili gihapon og retirement sa edad nga 56.
Magpabilin usab sa 56 anyos ang compulsory retirement age sa kasamtangang PNP chief, samtang adunay limitasyon ang pagpalugway sa serbisyo sa pipila ka taas nga opisyal sa BJMP ug BFP. | VIA BOMBO EROS PAJOTA
