Gipahibalo ni U.S. Pres. Donald Trump nga mobiya na sa puwesto si White House Press Secretary Karoline Leavitt sa katapusan sa Agosto 2026.
Matud ni Trump, iyang gitahod ang desisyon ni Leavitt nga undangon ang iyang trabaho aron unahon ang pag-atiman sa iyang mga anak ug pamilya.
Si Leavitt, 28 anyos, nahimong White House Press Secretary niaging tuig ug giila isip pinakabatang opisyal nga nakalingkod sa maong posisyon.
Kaniadtong Mayo, nanganak siya sa ilang ikaduhang anak sa iyang bana nga si Nicholas Riccio. Aduna usab silang kinamaguwangan nga 2 anyos.
Bag-o lamang mibalik sa trabaho si Leavitt niaging bulan human sa maternity leave.
Gipaabot nga magpadayon siya sa iyang katungdanan hangtod sa katapusan sa Agosto samtang wala pa gipahibalo kung kinsa ang mopuli kaniya isip sunod nga White House Press Secretary.
