Mokabat sa kapin tunga sa milyon nga kantidad sa iligal nga droga kon shabu ang nakumpiska sa mga operatiba atol sa gilusad nga drug buybust operation.
Subay sa report sa Baliok PNP, gilusad ang nasampit nga operasyon pasado alas onsi ang takna kagabii sa nga miresulta sa pagkasikop sa usa ka alias “DHUDZ”,35-anyos,ulitawo ug usa ka drayber nga residente sa Bunawan ning dakbayan sa Davao.
Ang dinakpan gikonsidera nga numero unong tigpayuhot ug iligal nga droga dinhi sa dakbayan sa Davao.
Nakumpiska sa nahisgutan ang mga dagkong putos sa iligal nga droga kon shabu nga adunay standard drug price nga mokabat sa Php 562,156.
Sa karon ang dinakpan gikatakda kining pasakahan ug kasong pagsupak sa RA 9165 kon Comprehensive Dangerous Drugs Act of 2002.
