Mikabat sa kapin P5M ang kantidad sa illegal nga droga nga nasakmit sa mga otoridad sa Tagum City sulod lamang sa usa ka bulan.
Sumala pa sa mga otoridad, kini nagpakita lamang sa ilang pagpaningkamot ug dedikasyon sa pagpadayon sa ilang kampanya batok illegal nga droga.
Matud pa nga pulos mga high value individuals ang ilang nadakpan gumikan na usab sa tabang sa pipila ka mga indibidwal sa pagtaho kanila gawas pa sa hugtanong pagpatuman og checkpoints.
Sa kinatibuk-an, nasakmit sa mga otoridad ang P5,066,000 nga kantidad sa illegal nga droga gikan sa managlahing operasyon partikular na sa may Brgy. New Balamban, Mankilam, ug Visayan.
Ning kasamtangan, anaa na sa kustodiya sa Tagum PNP ang mga suspek ug mag-tubang kini og kasong kalapasan sa RA 9165 – Comprehensive Dangerous Drugs Act of 2002.
