Gibasura sa Sandiganbayan Fifth Division ang mosyon ni Senador Jinggoy Estrada nga tugotan siyang makatambong sa impeachment trial ni Vice President Sara Duterte.Gipahayag sa korte sa pito ka panid nga resolusyon nga gipagawas kaniadtong Hulyo 9, 2026, nga ang mosyon ni Estrada walay igo nga legal nga basehan o “bereft of merit.”
Gipasabot usab nga bisan importante ang impeachment trial ubos sa Konstitusyon, dili kini mahimong ikonsiderar nga “emergency” o “compelling temporary leave.” Wala tugoti si Estrada nga makagawas sa detention facility aron matuman ang iyang katungdanan isip senator-judge sa maong impeachment trial. Kahinumdoman nga nagpabiling detinido ang maong senador tungod sa kasong plunder nga adunay kalabotan sa giingong anomalya flood control project.
