DAVAO CITY – Gibutyag sa Department of Justice – Parole and Probation Administration Davao Region (DOJ-PPA Davao Region) nga adunay kinatibuk-ang 4,487 ka mga indibidwal nga ilalom sa probation and supervision ang gi-refer sa ilang buhatan alang sa reformation sukad Enero hangtud Setyembre 30 ning kasamtangan nga tuig.
Sumala pa kang DOJ-PPA Davao director Benjamin Cutay Jr. nga ang nahisgutan nga probationers o dispose of solved cases ang mipailalom sa rehabilitation aron nga mapalambo ang ilang kaugalingon.
Gitataw sab sa PPA, nga ang probisyon usa ka pribilihiyo nga ihatag sa usa ka tawo nga na-konbikto tungod sa kasong kriminal o nasentensiyahan sa korte.
Nasayran sa nahisgutan nga aduna silay kinatibuk-ang 6,600 probation investigation sukad Enero hangtud Hunyo 2019 aron nga masubay kung angayan ba nga makaangkon ug prebilihiyo ang mga peneriso base sa ilang kwalipikasyon ug base sa ilang personalidad, character ug daghanan pa.
Gikanayon ang PPA maoy butong community-based o non-institutionalized correction sa nasod samtang ang institution correction adunay duruha.
