DAVAO CITY – Anaa sa kinatibuk-ang P32,700,000 nga kantidad sa kwarta ang napang-apud-apod sa Department of Social Welfare and Development Field Office XI alang sa Livelihood Assistance Grant (LAG) ngadto sa mga benepisyaryo sa Munisipiyo sa Don Marcelino ug Sarangani, Probinsya sa Davao Occidental.
Gipahigayon ang pay-out alang niini niadtong Setyembre 8 hangtud 12 ning kasamtangang tuig. Muabot sa 734 ka mga benepisyaryo ang nahatagan sa maong programa diin gilangkuban kini sa 600 ka mga benepisyaryo nga gikan sa munisipalidad sa Saranggani ug 134 ka mga benepisyaryo gikan sa Munisipalidad sa Don Marcelino.
Ang matag usa kanila ang nakadawat og P10,000 ngadto na sa 15,000 nga pinansyal nga tabang isip kapital alang sa mga naapektuhan nilang panginabuhian gumikan sa pandemya.
Mapasalamaton sab ang ahensya sa tabang ug suporta sa mga Local Government Units sa Davao Occidental alang sa hapsay nga implementasyon sa maong programa.
