-- ADVERTISEMENT --
DAVAO CITY – Nadakpan ang usa ka kanhi myembro sa CAFGU sa mga sakop sa CIDG-Davao del Norte Field Unit human nasignitan ug klase-klaseng armas atol sa operasyon nga gipahigayon sa Purok 4, Barangay Mabunao, Panabo City, Davao del Norte sa miaging gabii.
Pinaagi sa gahum sa search warrant, gilusong sa mga otoridad ang balay sa dinakpang si Oswaldo Quimay Noval, 64 anyos, nagpuyo sa susamang dapit.
Nakuha gikan sa suspek ang tulo ka kalibre .45 nga pistola, usa ka 12 gauge shot gun, usa ka Granada, usa ka M-505 teargas, jolen gun, ug klase-klasing mga buhing bala.
Gikustodiya na ang suspek sa buhatan sa CIDG samtang mag-atubang ug kaso ang nahisgutang dinakpan.
via || Bombo LJ Florendo
-- ADVERTISEMENT --
