Mihawa na si TWICE member Jeongyeon sa JYP Entertainment human sa 16 ka tuig, apan magpadayon gihapon siya sa iyang mga kalihokan isip miyembro sa K-pop girl group.
Gipahibalo ni Jeongyeon ang iyang pagbiya pinaagi sa usa ka Instagram letter karong adlawa Agosto 10, ning tuiga diin iyang giingon nga andam na siyang mosugod og bag-ong kapitulo sa laing lugar.
Gipasalamatan usab niya ang iyang mga kauban sa TWICE, mga fans nga gitawag og ONCE ug ang JYP Entertainment sa ilang suporta sa iyang career.
Gipasiugda ni Jeongyeon nga magpabilin nga prayoridad sa iyang kinabuhi ang TWICE bisan pa sa iyang pagbiya sa ahensya.
Dugang pa niini, mipirma siya og exclusive contract sa Baro Entertainment, diin suportahan siya sa pag-atubang sa bag-ong mga hagit isip artista, ilabina sa acting, samtang magpadayon usab ang iyang mga kalihokan uban sa TWICE.
Kahinumduman nga miyembro si Jeongyeon sa TWICE sukad sa debut niini niadtong 2015 ug mao ang unang miyembro sa grupo nga mibiya sa JYP Entertainment apan nagpabilin nga kabahin sa TWICE.
