DAVAO CITY – Giduaw sa mga representante gikan sa nasud Israel ang Davao City alang sa gilaraw nilang parnertship projects sa dakbayan.
Sa gipahigayong Davao-Israel Innovation Night: Davao Startups Spotlight sa usa ka dakong hotel sa dakbayan, gikanayon ni Nir Balzam, Deputy Chief of Mission of the Embassy of Israel in Manila nga ang ilang pakig-alayon sa Davao City, magresulta sa pagtukod og mga oportunidad sa matang sa pamatigayon, pagpangatungdanan ug kahusayan.
Matud pa, dako ang potensyal sa Davao City nga mahimong start-up innovators.
Dugang pa ni Itamar Gero, Vice President for External Affairs of the Israel Chamber of Commerce, nga ang panagtambayayong tali sa duha ka mga lugar usa usab ka paagi alang sa mga partido sa pagpaambit sa ilang labing maayong gawi ngadto sa kabag-ohan, ilabina sa natad sa agrikultura ug produksyon sa pagkaon.
Matud pa sa Project Leader of the IDEAS Davao nga si Miguel Carlo S. Guillermo, dagko ang tabang niining inisyatibo sa nasud Israel gumikan sa ingon man kusog apan hinay nga pag-uswag sa mga proyektong pang-pamatigayon gumikan sa kawang nga suportang pinansyal sa mga niaging tuig.
Dagko ang paglaum nila nga makagama ug startup ecosystem alang sa entrepreneurial management pinaagi sa tabang sa nasud Israel.
VIA || Bombo LJ Florendo
