Nagpasidaan si retiradong Gen. Jack Keane nga posibleng mas mahimong agresibo ang Iran sa umaabot nga mga adlaw samtang mosulod ang duha ka nasod sa bag-ong hugna sa tensiyon. Matud ni Keane, posible nga nagtuo ang Tehran nga magduhaduha si US President Donald Trump sa paglansad og aksyong militar batok sa Iran tungod sa umaabot nga midterm elections sa Estados Unidos.
Gipunting hinuon sa kanhing heneral nga sayop na usab ang maong pagtuo sa Iran, tungod kay andam ug adunay igong kapasidad sa militar ang Estados Unidos sa rehiyon aron pildihon ang nasod kung magdesisyon ang presidente nga molihok. Gipagawas usab ang maong pasidaan human ipahayag ni Trump nga anaa sa “total control” sa Estados Unidos ang Strait of Hormuz, samtang nagpabiling walay kasabutan ang duha ka nasod bahin sa pag-abli sa maong importante nga agianan sa mga barko.
Sa kasamtangan, gipatin-aw sa usa ka tinubdan gikan sa Iran nga walay nagpadayong negosasyon alang sa pagpalawig sa kasabutan niadtong Hunyo, samtang paspas nga nagkaduol ang Agosto 17 nga deadline.
