Gipili sa Iran si Mojtaba Khamenei isip ilahang bag-ong supreme leader.
Siya ang anak sa napatay nga si Ayatollah Ali Khamenei.
Gipili siya sa Assembly of Experts sa Iran, usa ka konseho nga adunay 88 ka miyembro nga mga senior cleric nga nipili pinaagi sa eleksyon, ug ang ilahang nag-unang buluhaton mao ang pagpili sa supreme leader sa nasud.
Nasayran nga ang ulahing higayon nga mipili ang maong assembly og supreme leader kaniadtong 1979, sa dihang gitukod ang Islamic Republic sa Iran.
Niadtong panahona, napili si Ali Khamenei human sa pagpanaw ni Ayatollah Ruhollah Khomeini, nga nagserbisyo isip lider sulod sa kapin tulo ka dekada.
Sa miaging pahayag, gibutyag ni U.S. President Donald Trump nga dili usab magdugay sa puwesto ang mapiling bag-ong supreme leader sa Iran.
Kahinumdoman nga namatay si Ayatollah Ali Khamenei human sa pag-atake nga gihimo sa Estados Unidos ug Israel.
