DAVAO CITY – Mikunhod o mi-decreasae sa 10.2% niadtong Agosto 2022 gikan sa 12.0% niadtong Hulyo 2022 ang inflation rate sa Davao de Oro. Ang “inflation rate” mao ang hinay-hinay nga pagsaka sa presyo sa mga produkto ug serbisyo.
Subay sa datos nga gipagula sa Philippine Statistics Authority XI bag-ohay lamang, nagpasabot kini nga ang “inflation of prices” sa bulan sa Agosto sa Davao de Oro ang mas ubos sa 1.8% kung itandi sa Hulyo o sa nakalabay nga bulan nga inflation rate.
Samtang ang “average inflation” sa unang walo ka bulan sa tuig miabot sa 8.1%. Ang pag-ubos sa inflation rate sa maong probinsya ang gumikan matud pa sa annual decrease sa index sa pagkaon ug Non-Alcoholic Beverages nga anaa sa 6.4 percent; Housing, tubig, kuryente, ug lana nga anaa sa 17.9 percent; ug transport nga anaa sa 21.3 percent.
