DAVAO CITY – Magtigi ang naa sa onse ka mga maanyag nga mga dalaga gikan sa nagkalain-laing tribo ning lungsod karong adlawa alang sa Hiyas sa Kadayawan isip parte sa ika-37 nga kapistahan sa Dabaw.
Ang mga tribo nga musalmot ang tribong Ata, Bagobo Klata, Bagobo-Tagabawa, Matigsalug, Obu-Manuvu, Iranun, Kagan, Maguindanaon, Maranao, Sama, ug Tausug.
Kini ang unang selebrasyon sa Hiyas sa Kadayawan Human kini naundang sulod duha ka tuig gumikan sa makamatay nga pandemya.
Kahinomdoman nga gipaila sa publiko ang mga dalaga atol sa Media Press Conference nga gipahigayon kaniadtong Agosto 3 ug gisundan sa Cultural Presentation o Talent Competition sa Bantawan Ampitheatre, Magsaysay Park kaniadtong Agosto 2, ning kasamtangang tuig.
Magpahigayon ang Grand Coronation Night karong ala 6:00 sa gabie, Agosto 17, sa RMC Petro Gazz Arena.
VIA || David Francisquete
