Mag-imbita ang Senate impeachment court og duha ka kanhi branch managers sa Land Bank of the Philippines aron motestigo sa sunod nga pagtaral sa impeachment case batok kang Vice President Sara Duterte sa Hulyo 29, 2026.
Ang maong mga testigo adunay kalabotan sa Article I sa Articles of Impeachment nga naghisgot sa giingong sayop nga paggamit sa kapin ₱612.5 milyong confidential funds sa Office of the Vice President ug Department of Education.
Sumala kang House Lead Prosecutor Gerville “Jinky Bitrics” Luistro, unang motestigo si kanhi LandBank Branch Manager Ma. Lynette Constantino, nga sundan ni kanhi Branch Manager Eduardo Camposano.
Matud usab ni Presiding Officer Francis “Chiz” Escudero, gipatawag pinaagi sa subpoena ang duha ka testigo aron maandam ang prosecution ug depensa sa ilang pagpresentar sa ebidensya.
Ang impeachment trial mopadayon sa Hulyo 29 alas-10 sa buntag, human sa ikalimang State of the Nation Address ni Presidente Ferdinand Marcos Jr. pagka Hulyo 27, 2026 ug sa “Kontra-SONA” sa minority bloc nga ipahigayon pagka Hulyo 28, 2026.
