Mokabat sa ₱50.98 milyon ang kantidad sa iligal nga droga nga nakompiska sa Philippine Drug Enforcement Agency (PDEA) ug ubang law enforcement agencies sa serye sa anti-illegal drug operations sa tibuok nasud gikan Hulyo 2 hangtod Hulyo 9, 2026.
Sumala pa sa PDEA, miabot sa 62 ka operasyon batok sa iligal nga droga ang ilang gipahigayon nga misangpot sa pagkadakop sa 86 ka mga suspetsado. Lakip sa mga nasakmit ang 5,065.17 gramos sa shabu, 50,301 ka tanom sa marijuana, 845.37 gramos sa uga nga dahon sa marijuana, 5,200 ka marijuana seedlings, ug 5,142 gramos sa marijuana kush.
Dugang pa niini, ang tanang nadakpan gilaumang atubangon ang kasong paglapas sa Republic Act No. 9165 o Comprehensive Dangerous Drugs Act of 2002, samtang ang mga nakompiska nga kontrabando anaa na sa kustodiya sa gobyerno alang sa forensic examination ug isip ebidensiya sa korte.
Sa pagkakaron, gipasiugda sa PDEA nga ang maong kalampusan nagpakita sa padayon ug mas gipakusgang kampanya batok sa iligal nga droga aron mapanalipdan ang mga komunidad ug mapalig-on ang paningkamot sa paghimo og mas luwas ug drug-free nga katilingban.
