Ihap sa mga nangamatay sa wildfire sa California, misaka na sa trese ka tawo.

Misaka pa sa 13 ang ihap sa mga nangamatay sa nagpadayong wildfire sa Los Angeles County sa California.

Subay sa inisyal nga report sa mga awtoridad, walo ang gikatalang fatalities ang nagagikan sa Eaton Fire area samtang lima usab ang gikatala sa Palisades.

Samtang mukabat na usab sa 180,000 ka mga residente ang apektado gumikan sa wildfire ug nagpabilin sa mga evacuation centers.

Ang damyos nga naangkon sa mga inprastraktura ang mokabat na sa 12,300 ka mga balay ang nasunog nga mubalor sa halos dili moubos sa $10 million US dollars.

Nagpadayon usab ang mga awtoridad sa pagsumpo sa kalayo nga nagsugod kaniadtong Enero 7 ning kasamtangan nga tuig.