-- ADVERTISEMENT --

Mipabor ang International Criminal Court (ICC) sa hangyo sa kampo ni kanhi Pangulong Rodrigo Duterte nga isuspinde una ang desisyon sa tribunal bahin sa gihangyo nga interim release hangtod makompleto sa mga abogado sa depensa ang tanan nga gikinahanglan nga mga dokumento.

Base sa majority decision nga gipagula sa Pre-Trial Chamber 1, ilahang gipadaplin ang pagpagula og desisyon kabahin sa interim release hangtod makita sa Chamber nga kini angay na buhaton.

Gipahayag sa desisyon nga si Judge María del Socorro Flores Liera misupak sa ruling nga unang gipagawas nila Judge Iulia Antoanella Motoc ug Judge Reine Adélaïde Sophie Alapini-Gansou.

Sumala sa Tribunal, ang interim release proceedings nga gisubay sa Article 60(2) sa Rome Statute naghatag og katungod sa usa ka tawo nga adunay warrant of arrest nga makapangayo og interim release.

Una nang giapela sa abogado ni Duterte nga si Atty. Nicolas Kaufman kaniadtong Hulyo 14, 2025 nga ang Pre-Trial Chamber dili pa angay mohatag og pag-ila sa interim release hangtod makompleto nila ang tanan nga gikinahanglan nga dokumento.

-- ADVERTISEMENT --

Kahinumduman nga kaniadtong Hunyo, nangayo og interim release ang kampo ni Duterte sa ICC alang sa usa ka wala na lamang gihisgutan nga nasud.

Gipahayag ni Kaufman nga wala hatagi si Duterte og bisan unsang kondisyon nga nakalatid sa warrant ug dili usab kini hulga sa seguridad, busa angay nga aprobahan ang interim release.