DAVAO CITY – Hugtanon ang ipatuman karun nga seguridad sa kapulisan kini human nga adunay mga simbahan sa dakbayan ang magpahigayon karung adlawa ug station of the cross nga sagad salmutan sa mga tumotoong katoliko.
Kahinumduman nga daghanang sakop sa kapulisan sa Davao City Police Office (DCPO) ang ipakatag sa mga nagkadaiyang simbahan sa dakbayan ingon man mga personahe sa City Transport and Traffic Management Office (CTTMO) arun nga dili maapektohan ang dagan sa trapiko karung Biyernes Santo.
Una na sab nga gibutyag sa DCPO nga bastante ang ilang mga personahe nga i-pakatag sa mga simbahan aron lamang masiguro ang kahusay ug kalinaw sa mga aktibidad sa simbahan karung semana santa hangtud na sa pasko sa pagkabanhaw sa Domingo.
Sa mga musulod sa simbahan, gipahimangnoan ang mga residente nga mas maayong dili na magdala ug mga ginadiling butang arun nga dili na sab malangay.
