Magpadayon ang pag-ulan sa daghanang bahin sa Mindanao karong Huwebes, Hulyo 23, 2026 tungod sa habagat ug sa trough o extension sa Tropical Depression “Kiyapo.”
Sumala sa PAGASA, gilauman ang dag-om nga panahon, katag-katag nga pag ulan, ug pagpanalugdog sa tibuok Mindanao, lakip ang Davao Region.
Gipasidan-an sa state weather bureau ang publiko batok sa posibleng pagbaha ug pagdahili sa yuta sa mga lugar nga makasinati og kasarangan hangtod kusog nga pag-ulan.
Sa alas 5:00 sa kaadlawon, namatikdan ang sentro sa Tropical Depression “Kiyapo” sa gilay-ong 950 kilometro sa sidlakan sa Central Luzon. Nagdala kini og kusog nga hangin nga moabot sa 45 kilometro matag oras ug paghaguros nga hangtod 55 kilometro matag oras.
Gilauman sa PAGASA nga mopadayon ang lihok sa bagyo paingon sa kasadpan-amihanan ug posibleng moigo sa Cagayan sa Biyernes o Sabado.
Gipahimangnoan usab ang publiko nga padayon mag monitor mga weather updates ug sundon ang mga pahimangno sa lokal nga mga awtoridad.
