DAVAO CITY – Bisan nga wala pa’y natalang nag-positibo sa coronavirus disease (covid-19) sa lalawigan sa Davao Occidental, hugtanon karon ang pahimangno ni Governor Claude Bautista nga kinahanglan pa gihapon nga motamud ang mga residente sa gipatuman nga mga sumbanan.
Una ng gibutyag sa opisyal nga dili niya tugtan nga adunay mga magpabadlong dungan sa deklarasyon sa Enhanced Community Quarantine sa probinsya.
Kanunay ang panawagan karon sa lokal nga panggamhanan sa lalawigan nga unta motamud sa mga pahimangno ug magpabilin lamang sa mga panimalay aron nga magpabilin nga covid-19 free ang probinsiya.
Sakop sa Davao Occidental, ang mga lugar sa Sarangani, Jose Abad Santos, Don Marcelino, Malita ug Santa Maria nga nagpatuman karon sa ilang hugtanon nga mga sumbanan.
