Gipasidunggan si Davao de Oro Governor Raul Gorospe Mabanglo isip Honorary “Governor of the Year” sa ika-10 nga Nation Builders and MOSLIV Awards.
Ang awarding ceremony gikatakdang ipahigayon karong Abril 22, 2026 sa Okada Grand Ballroom sa Manila.
Sumala sa organizing body, ang maong award ginahatag sa mga lider nga nagpakita og talagsaong pagdumala, dedikasyon sa public service, ug dakong kontribusyon sa nation-building ug community development.
Gipasidunggan usab si Mabanglo sa iyang padayon nga paningkamot sa pagpalambo sa kaayohan sa iyang mga constituents ug sa pagpalig-on sa malungtarong kalamboan sa probinsya sa Davao de Oro.
Gipasabot usab sa mga organizers nga ang maong pag-ila nga dili lamang tungod sa iyang mga nahimo sa pagpangulo, kundili usab sa iyahang abilidad sa pagdasig sa ubang lider ug sa pagpalambo sa civic responsibility.
Ang Nation Builders and MOSLIV Awards usa ka tinuig nga pasidungog nga nagahatag og pasidungog sa mga public servants, lider, ug changemakers sa tibuok nasud nga adunay dakong kontribusyon sa ilahang tagsa-tagsa ka mga natad sa trabaho.
