Gipahayag ni kanhi Senador ug sa pagkakaron Chief Presidential Legal Counsel Sec. Juan Ponce Enrile nga wala natambagan ug insakto si kanhi Pangulong Rodrigo Duterte sa pagtugot niini sa operasyon sa POGO sa nasud.
Kini subay sa gipagawas nga Executive Order 13 sa kanhi pangulo niadtong 2017.
Ubos sa nahisgutang kamando-an, gitugutan ang operasyon sa online gambling sa gawas sa mga ecozone.
Dugang pa ni Enrile, wala gitun-an pag-ayo sa nakalabayng administrasyon ang pagtugot sa operasyon sa POGO, ilabi na nga banned na kini o gidili sa daghanang nasud sa Asya susama sa Cambodia.
Gipahayag pa sa kanhi Senate President, wala sa huna-huna niini ug bisan kinsang magbabalaod ang POGO sa dihang gimugna ang RA 7922 o Cagayan Special Economic Zone Act of 1995 lakip na ang pag-review niini sa PAGCOR Charter.
Matod pa ni Enrile, insakto ang gihimong pagdili ni Pangulong Ferdinand Marcos Jr. sa operasyon sa POGO sa nasud.
Bisan kuno siya, palayason niini ang POGO sa nasud gumikan kay makunsedera kining money laundering operation.
